Тошкент шаҳрида 10 000 АҚШ доллари эвазига Ҳаж визаси чиқариб беришни ваъда қилганлар қўлга олинди. Ҳолат юзасидан Давлат хавфсизлик хизмати хабар бермоқда.

Ўзбекистон Республикаси Бош прокуратураси ҳузуридаги иқтисодий жиноятларга қарши курашиш Департаментининг Тошкент шаҳар Яшнобод тумани бўлими ходимлари томонидан ва бошқа ҳуқуқни муҳофаза қилувчи идоралар ходимлари билан ҳамкорликда 2023 йилнинг 2 июнь куни фуқаро Т.И.нинг аризасида келтирилган важларни текшириб кўриш мақсадида, Тошкент шаҳар, Учтепа туманида жойлашган “A.K.” МЧЖ офисида тезкор тадбир ўтказилган.

Тадбирда, “A.K.” МЧЖ раҳбари A.M. ва жамият ходимлари И.И., М.Х. олдиндан жиноий тил бириктириб, фуқаро Т.И.нинг ишончига кирган ва унга юқори лавозимда ишловчи мансабдор танишлари орқали 10 000 АҚШ доллари эвазига Ҳаж зиёратини амалга ошириш учун виза қилиб беришни ваъда қилиб, шундан 3 000 АҚШ долларини олган вақтда холислар иштирокида ашёвий далиллар билан ушланган.

Мазкур ҳолат юзасидан Департаментнинг Яшнобод тумани бўлими томонидан фуқаролар А.М., М.И., А.М. ва бошқаларга нисбатан Ўзбекистон Республикаси Жиноят кодекснинг 168-моддаси 2-қисми “б” банди ва 28, 211-моддаси 1-қисми билан жиноят иши қўзғатилиб, дастлабки тергов ҳаракатларини олиб борилмоқда.

• Haj
• Жиноят
• Тошкент
• Xavfsizlik