Тошкент шаҳри Шайхонтоҳур туманида жойлашган машҳур “Анҳор-Локомотив” боғи сотувга қўйилди. Бошланғич баҳоси 376,5 млрд сўм (тахминан 35 млн АҚШ доллари) этиб баҳоланган.

Аукцион савдоларига қўйилган мазкур объект нархни ошириб бориш усулида сотилади.

Боғ ҳудуди 8,35 гектарга тенг.

Мазкур мулк “Anhor sayli” МЧЖга қарашли бўлиб, Жамият таъсисчиларининг жорий йил 5 январидаги қарори билан сотувга қўйилмоқда.

Жамият директори буйруғига кўра, объект сотувидан тушган маблағлар жамиятнинг таъсисчилари сафидан чиқиб кетадиган қатнашчиси – “Ўзтемирйўлконтейнер” АЖ билан ўзаро ҳисоб-китоб қилишга йўналтирилади.

Маълумот учун, “Анҳор-Локомотив” боғи 2017 йил 25 январ санасидан буён “Anhor sayli” МЧЖ бошқарувида бўлган.

• Аукцион