“Бизга илғор ҳарбий кучларга эга давлатлар тўғридан-тўғри таҳдид солмоқда, шунинг учун биз жанг қилиш ва ғалаба қозонишга тайёр бўлишимиз керак”, — деб ёзди Кир Стармер The Sun газетаси учун тайёрланган материалда.

Британия ҳукумати раҳбарининг сўзларига кўра, Лондон қуролли кучларни “ҳар қачонгидан ҳам интеграциялашган, шай ва қудратли” қилиш учун сармоя киритади.

Буюк Британия ҳукумати 2 июнь куни камида олтита қурол заводини қуриш ва 7 мингтагача узоқ масофали қуролларни ишлаб чиқариш учун қўшимча 1,8 млрд евро маблағ ажратилишини расман эълон қилиши кутилмоқда.

“Британия ҳукумати Россия ва Хитойни асосий таҳдидлар сифатида кўрмоқда”, — дея маълум қилган Қироллик Мудофаа вазирлиги раҳбари Жон Ҳили BBC билан суҳбатда.

Унинг сўзларига кўра, мудофаа саноати корхоналарини ташкил этиш нафақат ўқ-дорилар ишлаб чиқариш, балки бутун Буюк Британия бўйлаб иш ўринларини яратиш имконини беради.

• Бош вазир
• Буюк Британия