Тошкент метросига тўрт вагонли 3 та метро поезди келтирилди. Улар 8-10 кун синовдан ўтказилгач, “Юнусобод” ва “Ерусти ҳалқа йўли” йўналишларида ҳаракатга чиқарилади. Май охирига қадар яна шундай 8 та метро поезди олиб келиш режа қилинмоқда.

24-феврал куни Тошкент шаҳрига тўрт вагонли янги 3 та замонавий метро ҳаракат таркиблари олиб келинди, дея хабар бермоқда метрополитен матбуот хизмати.

Ушбу поездлар белгилан йўриқномага асосан 8-10 кун давомида техник синовдан ўтказилади. Сўнгра йўловчиларга хизмат қилиши йўлга қўйилади.

Йўналишлардаги вақт интервалларини янада қисқартириш мақсадида янги ҳаракат таркиблари асосан, “Юнусобод” ва “Ерусти ҳалқа йўли” йўналишларида ҳаракатга чиқарилади.

Компаниянинг қўшимча қилишича, май ойи сўнгига қадар босқичма босқич равишда яна 8 та метро поезди олиб келиниши режаланган. Бу режавий ишлар натижасида метро вагон паркларини янгилаш ва белгиланган вақт интервалларини янада қисқартишга эришиш мақсад қилинган.

• Метро
• Metropoliten
• Тошкент
• Юнусобод тумани