“Fох News” телеканалининг маълумот беришича, ўтган ҳафта АҚШ сайланган президенти Канада бош вазири Жастин Трюдога агар Оттава АҚШга Канада чегараси орқали ноқонуний муҳожирлар оқими билан боғлиқ вазиятни тубдан ўзгартира олмаса, шунингдек, ҳозирда 100 миллиард долларга яқин бўлган савдо камомадини камайтирмаса, ўзининг президентликда иш бошлаган дастлабки кунидан барча Канада товарларига 25 фоиз импорт божларини жорий этишини айтган.

Бунга жавобан вазир Трюдо бу каби чоралар Канада иқтисодини ўлдиришини таъкидлаган. Трамп эса “Канада, эҳтимол, АҚШнинг 51-штатига айланиши мумкин”, – деб жавоб берган. Телеканалнинг таъкидлашича, бу ибора Канада Бош вазирининг асабий кулгисига сабаб бўлган.

Эслатиб ўтамиз, АҚШда бўлиб ўтган президентлик сайловларида ғолиб бўлган Доналд Трамп 2025 йил 20 январдан ўз фаолиятини бошлайди.

• АҚШ
• Канада
• Трамп