АҚШ президенти Доналд Трамп The New York Post газетасига Россия президенти Владимир Путин билан телефон орқали Украинадаги уруш ҳақида гаплашганини маълум қилган.

Бу қачон содир бўлганлиги номаълум. Икки давлат раҳбари телефонда неча марта гаплашгани ҳақидаги саволга Трамп: “Буни айтмаганим яхши”, – дея жавоб берган.

Трампнинг сўзларига кўра, Путин “одамлар жанг майдонида ўлишини тўхтатишни” истайди. АҚШ президенти, шунингдек, урушни қандай тугатиш бўйича аниқ режаси борлигини айтган.

АҚШ вице-президент Венс келаси ҳафта бўлиб ўтадиган Мюнхен хавфсизлик конференциясида Украина президенти Володимир Зеленский билан учрашади. Аввалроқ, Трамп келаси ҳафтада Зеленский билан учрашиши мумкинлигини айтган эди.

Трамп, шунингдек, хавфсизлик кафолатлари эвазига Украинанинг нодир металлари ва бошқа ресурсларидан фойдаланиш учун Зеленский билан 500 млн долларлик шартнома тузмоқчи эканлигини айтган.

• АҚШ
• Интервю
• Путин
• Россия
• Telefon
• Трамп