“Биринчи мақсад Чикаго шаҳри бўлади. Рейд инаугурациядан кейинги куни эрталаб бошланиб, бир ҳафта давом этади. АҚШнинг Иммиграция ва божхона хизмати операцияни ўтказиш учун 100-200 нафар ходимни жалб қилади”, – деб ёзмоқда The Wall Street Journal.

Маълум бўлишича, ушбу кенг кўламли операцияни Трамп маъмуриятида “чегара назорати раҳбари” лавозимини эгаллаши кутилаётган Том Ҳоман ўтган ой Чикагога ташрифи чоғида режалаштирган.

“Биз айнан шу ердан, Чикагодан бошлаймиз. Агар Чикаго мери ёрдам беришни хоҳламаса, четда турсин. Аммо агар у бизга тўсқинлик қилса ёки ноқонуний мигрантларни онгли равишда яширса, мен уни қонуний жавобгарликка тортаман”, – деган Ҳоман Чикагога ташрифи чоғида.

Шунингдек, Чикагодан сўнг рейдлар Лос-Анжелес, Нью-Йорк, Майами ва Денвер шаҳарларида ўтказилиши режалаштирилган.

Аввалроқ, Трамп сайловолди кампанияси давомида бир неча бор ноқонуний мигрантларга қарши курашни ўзининг асосий вазифаларидан бири деб ҳисоблашини айтиб, оммавий депортацияларни бошлашни ваъда қилган эди.

• АҚШ
• Трамп
• migrant