2024 йил 13 июнь куни “VISA” компаниясининг Марказий Осиё мамлакатларида бизнесни ривожлантириш бўйича катта директори А.Бороддин бошчилигидаги делегацияси билан музокаралар ўтказилди. Бу ҳақда Ўзбекистон Туризм қўмитаси хабар берди.

Қайд этилишича, учрашувда туризмни рақамли трансформация қилиш бўйича қўшма ишчи гуруҳнинг тайёргарлик ишлари натижалари эълон қилинган. Сайёҳлик трафиги тўғрисидаги маълумотларни алмашиш, сайёҳнинг “ўртача чекини” ошириш, турбизнеснинг янги маҳсулотлари ва хизматларини тарғиб қилиш, турпотентсиал бўйича қўшма маркетинг кампаниялари ва турмаршрут бўйлаб нақд пулсиз ҳисоб-китобларни рағбатлантириш бўйича кейинги қадамлар муҳокама қилинган.

Шунингдек, музокаралар натижасида Ўзбекистон Туризм қўмитаси ва “VISA” компанияси ўртасида тегишли ҳамкорлик меморандуми имзоланган.

• Туризм
• Visa