Бугун, 9 ноябрь куни Самарқанд шаҳрида Туркий давлатлар ташкилоти саммити доирасида Ташкилотга аъзо давлатлар иқтисодиёт ва савдо вазирларининг 11-йиғилиши бўлиб ўтди.

Бош вазир ўринбосари – инвестициялар ва ташқи савдо вазири Жамшид Ходжаев ТДТ иқтисодиёт ва савдо вазирлари билан ўтган учрашувдан сўнг Туркий давлатлар ташкилоти Инвестиция жамғармаси таъсис этилишини маълум қилди.
“Туркий давлатлар ташкилоти иқтисодиёт ва савдо вазирларининг 11-йиғилишида савдо-иқтисодий, инвестициявий ҳамкорликни янада чуқурлаштириш мақсадида, Туркий давлатлар ташкилоти Инвестиция жамғармасини таъсис этиш бўйича Битимни имзоланишини келишиб олдик.

Ишонаманки, Инвестиция жамғармасини таъсис этиш кўп қиррали муносабатларимизни ривожланишида янги замин яратади”, – таъкидлади Ходжаев.

• Самарқанд
• Туркий давлатлар ташкилоти
• саммит