Туркия парламенти Швециянинг НАТОга аъзолигини ратификация қилишни кўпчилик овоз билан маъқуллади. Ҳужжат имзолаш учун Президент Ражаб Тоййиб Эрдўғанга юборилган. Альянсда Швециянинг аризасини ҳали маъқулламаган охирги давлат Венгрия бўлди.
Ратификация Буюк Миллат Мажлисининг Бош Ассамблеяси томонидан тасдиқланди. Хабарларга кўра, Швециянинг НАТОга қабул қилиниши учун 287 депутат овоз берган, 55 нафари эса қарши овоз берган.
Буюк Миллат Мажлисида мутлақ кўпчилик овозга эга бўлган Эрдўғаннинг Адолат ва тараққиёт партияси (АКП) Швеция аризасини маъқуллаш тарафдори бўлган. Туркия парламент комиссияси 2023 йил 26 декабрда Швециянинг НАТОга аъзо бўлиши ҳақидаги ратификация протоколини тасдиқлади.
Швеция 2022 йилда НАТОга аъзо бўлиш учун ариза берган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!