Маълумотларга кўра, Туркиянинг Денизли шаҳридаги университет шифохонасига кираверишдаги кафетерийда отишма юз берган. Бу ҳақда Туркиянинг “NTV” телеканали хабар берди.

“Денизлида икки киши Памукқалъа университети шифохонасининг тез ёрдам бўлимига кираверишдаги кафетерийда қуролли ҳужум уюштирди”, дейилади хабарда.

Дастлабки маълумотларга кўра, етти киши жабрланган, улардан икки нафарининг аҳволи оғир. Воқеа жойидан 15 дона бўш патрон топилган.

“Воқеа жойига кўп сонли полиция гуруҳлари юборилди. Ўт очганлар қочиб кетди”, дейилади хабарда.

Денизли губернаторлигининг маълумотига кўра, воқеа юзасидан кенг кўламли тергов бошланган. Гумондорларни қўлга олиш ҳаракатлари давом этмоқда.

• Отишма
• Туркия
• shifoxona