Ўзбекистонга келган яна бир сайёҳ – туркиялик фуқаро Тошкент –Андижон поездида 100 минг сўм пора эвазига жойини ўзгартирганини айтиб, ижтимоий тармоққа видеолавҳа юклади. Бу ҳақда Telegram’даги Troll.uz каналида хабар берилди.

Қўшимча қилинишича, пора эвазига жойини ўзгартирган сайёҳ умрида биринчи марта пора берганини ва бундан ўзи ҳам ғалати бўлганини билдирган.

Аввалроқ ижтимоий тармоқларда “Афросиёб”да 10 долларга сотиб олинган чиптани ичкарида яна 15 доллар тўлаб, ўз жойини эконом классдан бизнес классга ўзгартирган сайёҳ видеоси тарқалганди. Ҳолатга муносабат билдирган “Ўзбекистон темир йўллари” АЖ ахборот хизмати мазкур видеолавҳа эски эканини, бундай хатога йўл қўйган масъул эса ишдан олинганини маълум қилган эди.

• Ўзбекистон темир йўллари
• Пора
• Туризм