Анқарада туркийзабон олимларнинг конгресси иш бошлаган.

Туркия туризм ва маданият вазирлиги ташкил этган тадбир турк тилида сўзлашувчи барча халқларнинг тили ва маданиятини ривожлантиришга қаратилган.

Ўзбекистон делегацияси таркибида бўлган тилшунос Элдор Асанов ўзининг Telegram каналида тааасуротлари билан ўртоқлашди.

“Турколог учун тайёр тадқиқот майдони. Хитойлик қозоқ, кипрлик турк, афғонистонлик ўзбек, руминиялик қримтатар, хуллас, энг ноёб туркий тилли диаспоралар ва гуруҳлардан вакиллар бор экан” – деб ёзган Асанов.

Анқарадаги янги ва ҳашаматли миллий кутубхонада иш бошлаган анжуман бир неча кун давом этади. Унда тилнинг ўзига хослиги,тил ўзлигини сақлаш йўлидаги муаммолар ва уларни биргаликда ҳал этиш йўлидаги ҳамкорлик масалалари кўтарилади.

• Ўзбекистон
• Туркия
• Туркийзабон