“Туркманистон президенти Сердар Бердимуҳаммедов миллий хавфсизлик вазири Назар Атагараевни лавозимидан озод қилди. Бу борада тегишли қарор давлат хавфсизлик кенгаши йиғилиши давомида қабул қилинган. Атагараев бошқа ишга ўтиши муносабати билан лавозимидан бўшатилган”, дея хабар бермоқда маҳаллий ОАВ.

Маълумотларга кўра, унинг ўрнига майор Довлетгелди Мередов Туркманистон миллий хавфсизлик вазири этиб тайинланган. У бунгача мамлакат президенти хавфсизлик хизматини бошқарган.

Эслатиб ўтамиз, 10 февраль куни Қирғизистон президенти Садир Жапаров мамлакат Миллий хавфсизлик давлат қўмитаси раиси Қамчибек Ташиевнинг ваколатларини муддатидан олдин тугатиш тўғрисидаги фармонини имзолаганди.

Бундан ташқари, Ташиевнинг ўринбосарлари – Даниэл Рисалиев, Қурбонбек Авазов, Элизар Сманов ҳамда Хавфсизлик кенгаши котиби Рустам Мамасодиқов ҳам лавозимидан озод этилган.

• Iste'fo
• Тайинлов
• Туркманистон