Тошкент вилояти Туябўғиз сув омборида чўмилаётиб чўкиб кетаётган 16 ёшли бола қутқариб қолинди. Бу ҳақида Фавқулодда вазиятлар вазирлиги хабар берди.

Маълум бўлишича, 3 июл куни соат 15:00 ларда Тошкент вилояти Фавқулодда вазиятлар бошқармасининг бир гуруҳ қутқарувчилари Туябўғиз сув омборида навбатчилик олиб бораётган пайтда, сув омбори қирғоғидан 150 метр узоқликда чўмилаётган 16 ёшли бола чўкиб кетаётганини пайқаб қолган.

Улар тезкорлик билан қутқарув ишларини амалга ошириб, саноқли сониялар ичида болани сув остидан олиб чиқиб ҳаётини сақлаб қолган.

Қайд этилишича, айни вақтда боланинг аҳволи яхши.

• Бола
• ФВВ
• Сув омбори
• Тошкент
• viloyat