Маълумотларга кўра, Украина Қуролли Кучлари майори, 39 ёшли Геннадий Частяков ўзининг туғилган кунида ҳалок бўлди. Бу ҳақда мамлакат Қуролли Кучлари Олий бош қўмондони ўзининг Telegramʼдаги каналида маълум қилди.

"Бугун, айни фожиали шароитда менинг ёрдамчим ва яқин дўстим, майор Геннадий Частяков оила даврасида вафот этди. Унинг яқинларига чуқур ҳамдардлик билдираман", деган у.

“Украина ҳақиқати” нашрининг ёзишича, Частяков уйига алкоголь ва граната кўринишидаги рюмкалар солинган совға пакетини олиб келган. Портлаш совғани очиш вақтида рўй берган. Оқибатда майор вафот этган, унинг рафиқаси ва тўрт фарзанди омон қолган.

Залужнийнинг таъкидлашича, мазкур ҳодисага боғлиқ сабаб ва ҳолатлар суд тергови давомида аниқланади.

• Қурбон
• Қуролли Кучлар
• Украина