Украинадаги можаронинг узоқ давом этиши ва мураккаблашиши ҳеч кимнинг манфаатига мос эмас. Бу ҳақда бугун, 20 декабрь куни ХХР раиси Си Цзиньпин Германия президенти Франк-Валтер Штайнмаер билан телефон орқали мулоқоти чоғида айтиб ўтди.

Хитой марказий телевидениесининг хабар беришича, томонлар Украина инқирози юзасидан фикр алмашган.
“Хитой тинчлик музокараларига кўмаклашиш тарафдори ва инқирозни чўзиш ва кучайтириш барча томонлар манфаатларига тўғри келмайди, деб ҳисоблайди”, деди Си Цзиньпин.

Маълумот учун, Пекин Украинадаги можаро фонида мувозанатли позицияни эгаллади. Хитой қатор Ғарб давлатларининг чақириқларига қарамай, Россияни қораламади. Пекин Хитой ва Россия узоқ муддатли истиқболда барқарор ва уйғун икки томонлама муносабатларни ривожлантираётганини бир неча бор таъкидлаган. Шу билан бирга, Хитой Ташқи ишлар вазирлиги Украинадаги вазиятни шарҳлар экан, Пекин барча мамлакатларнинг ҳудудий яхлитлиги ва суверенитетини ҳурмат қилиш тарафдори эканини қайд этди. Хитой тинчлик музокараларини осонлаштиришга қаратилган барча саъй-ҳаракатларни қўллаб-қувватлайди, дея таъкидлади Хитой ТИВ.

• Si Szinpin
• Украина
• Хитой