Жорий йилнинг 4 январь санасидан бошлаб "UzAuто Моtоrs SАP" ҳисоб дастурий таъминотини амалга ошириш ва маҳсулот инвентаризасиясини ўтказаётганлиги муносабати билан, ушбу муддатда контрактасия шартномасини тузиш, барча автомобилларни топшириш ва тўловларни қабул қилиш вақтинча тўхтатилган эди.

Бугун, 9 январь куни компания ушбу муддатни яна узайтирганини маълум қилди.

“Барча автомобилларни топшириш ва тўловларни қабул қилиш яна бир неча кунга тўхтатилади. Бундан ташқари, дастурий таъминотни ишга тушириш тадбирларининг ўтказилиши муносабати билан "UzАvtоSavdо" иловаси фаолияти ҳам вақтинча тўхтатиб турилиши мумкин”,– дейилади хабарда.

Дастурий таъминотни янгилаш ва инвентаризасия ишлари якунлангандан сўнг, контрактасия шартномаларини тузиш, олдиндан тўловни қабул қилиш ва автомобилни етказиб бериш тўлиқ ҳажмда қайта тикланади.

“Истеъмолчиларимизни ишонтириб айта оламизки, 2022 йил, янги йил арафасида автомобил етказиб бериш бўйича шартнома тузган ва вақтинчалик чеклов учун олдиндан тўловни амалга ошира олмаган шахслар иш қайта тикланганидан сўнг, автомобил учун олдиндан тўловни амалга ошириши мумкин. Шу билан бирга, улар томонидан автомобил етказиб бериш бўйича тузилган шартномалар ўз кучида қолади, фақат олдиндан тўлов муддати узайтирилади”– дейилади компания хабарида.

"UzAuто Моtоrs" компанияси истеъмолчилардан юзага келган вақтинчалик ноқулайликлар учун сўрамоқда.

• Avtomobil uchun shartnoma
• UzAutoMotors