Ўзбекистон мусулмонлари идораси ҳузуридаги Ҳаж ва Умра маркази янги умра мавсумини 2025 йил август ойидан бошланишини эълон қилди.

Сўнгги йилларда умра сафарлари юқори савияда ташкил этилиб, зиёратчиларга сифатли ва қулай хизматлар кўрсатилмоқда. Шунингдек, ибодатларнинг шариат талабларига мувофиқ бажарилиши Ҳаж ва Умра маркази томонидан таъминланмоқда.

Ўттиз йилдан ортиқ амалий тажриба асосида зиёратчилар учун ўн кунлик махсус Умра дастури таклиф этилмоқда.

Дастур доирасида қуйидаги қулайликлар назарда тутилган:

• “Узбекистан Airways” авиакомпанияси орқали Тошкент–Жидда–Тошкент йўналишида тўғридан-тўғри парвозлар;

• 3 кеча Мадина, 7 кеча Маккада бўлиш;

• Жидда–Мадина, Мадина–Макка ва Макка–Жидда йўналишларида замонавий автобуслар хизмати;

• Макка ва Мадина шаҳарларида барча шароитларга эга меҳмонхоналар;

• 3 маҳал мазали таомлар;

• Мадина шаҳридаги Набавий масжиди, “Равза”, Қубо, Қиблатайн масжидлари ва Уҳуд майдонига зиёрат;

• Макка шаҳридаги Арафот, Мино, Муздалифа водийлари ҳамда Нур ва Савр тоғларига зиёрат;

• Жидда шаҳридаги Қизил денгизга саёҳат.

Умра сафари давомида зиёратчиларга тажрибали ишчи гуруҳи, таниқли имом-хатиблардан иборат гуруҳ раҳбарлари, малакали шифокорлар ҳамроҳлик қилиб, ибодат ва сафарнинг осон ва хотиржам ўтишини таъминлайдилар.

• Haj
• Умра