“Ўзбекистон ҳаво йўллари” Миллий авиакомпанияси 2023 йилнинг 8 июнидан бошлаб Қурбон ҳайитини нишонлаш кунлари – 2023 йилнинг 28 июнидан 2 июлига қадар амалга оширилиши режалаштирилган ички рейслар учун барча авиачипталарга 50 фоизлик чегирма тақдим этади.

Чегирмадан фойдаланишнинг батафсил шартлари қуйидагича:

Сотиш муддати 2023 йил 8 июндан 2 июлгача;
Ташиш муддати 2023 йил 28 июндан 2 июлгача;

Таклиф этилаётган чегирма:

катталар учун – хизмат кўрсатишнинг бизнес ва эконом классларига индивидуал тарифларнинг 50 фоизи;
салонда жой эгаллаган 2 ёшдан 12 ёшгача бўлган болалар ва 2 ёшгача бўлган болалар учун – болаларга чегирма билан эълон қилинган йўл ҳақининг 50 фоизи;
2 ёшгача бўлган ва салонда ўриндиқни эгалламайдиган болалар учун бу чегирма қўлланилмайди;
чегирмаларни бирлаштириш тақиқланади.

Авиачипталарни авиакомпаниянинг расмий www.uzairways.com сайти, компания иловаси орқали, шунингдек, “Ўзбекистон ҳаво йўллари” савдо филиалларидан харид қилиш мумкин.

• Hayit
• Uzbekistan airways