Венесуэлада президентлик сайловларида эълон қилинган натижаларга қарши оммавий норозилик намойишлари бошланди.

Намойишчилар полиция ва ҳарбийлар билан тўқнашган. Сўнгги маълумотларга кўра, камида икки киши ҳалок бўлган, ўнлаб одамлар жароҳат олган.

Президент саройи атрофидаги кўчаларни тўсиб қўйган полиция ва ҳарбийлар намойишчиларга пластик ўқлар ва кўздан ёш оқизувчи газ гранаталарини отишни бошлаган.

Намойишчилар Эдмундо Гонсалеснинг 11 йилдан бери ҳокимият тепасида бўлган Президент Николас Мадурони мағлуб этгани ҳақида далиллар борлигини даъво қилмоқда.

Мадуронинг таъкидлашича, норозилик намойишлари “зўравонликни кучайтиришга” қаратилган, унинг сўзларига кўра, мухолифат ҳокимиятни қўлга киритмоқчи.

Венесуэла миллий сайлов кенгаши эса Мадуро 51,2 фоиз овоз олганини айтиб, уни президент деб эълон қилди.

• Намойиш
• Венесуэла