Осиё ўйинларининг бугунги куни Ўзбекистон терма жамоаси учун муваффақиятли бошланди, дея
хабар берди Миллий олимпия қўмитаси.
Академик эшкак эшиш бўйича аёллар ўртасида кечган яккалик дастурида Анна Пракатен Ўзбекистон делегациясига иккинчи олтин медални тақдим қилди. Кумуш ва бронза медаллари эса Хитой ҳамда Япония вакилларига насиб этди.
Шунингдек, эркаклар ўртасида М4- дастурида иштирок этган Шеҳроз Ҳакимов, Давржон Давронов, Дилшоджон Худойбердиев ва Алишер Турдиев квартети марра чизиғини биринчи бўлиб кесиб ўтди ва учинчи олтин медални қўлга киритди.
Академик эшкак эшиш бўйича М4х дастурида стартга чиққан Шаҳзод Нурматов, Шаҳбоз Холмирзаев, Меҳрожбек Маматқулов ва Собиржон Сафаралиев эса кумуш медални қўлга киритди. Мазкур стартда олтин медал Хитой, бронза медали Ҳиндистон жамоаларига насиб этди.
31°
Кечаси 18°
