ХХР Савдо вазирлиги душанба куни берган баёнотида, Пекин мамлакатларнинг Қўшма Штатлар билан савдо низоларини ҳал қилиш қарорини ҳурмат қилишини билдирган, бироқ “Хитой манфаатлари ҳисобига келишувга эришадиган ҳар қандай томонга қатъий қарши эканини” таъкидлаган.

Пекин бу каби ҳаракатларни “ҳеч қачон қабул қилмаслигини” ва “кескин қарши чоралар кўришини” билдирмоқда.

Хитой бунинг ўрнига Қўшма Штатларга қарши биргаликда курашишни таклиф қилган.

“Хитой барча томонлар билан бирдамлик ва мувофиқликни мустаҳкамлашга, биргаликда жавоб беришга ва бир томонлама қўрқитиш ҳаракатларига қарши туришга тайёр”, – дейилади ХХР Савдо вазирлиги баёнотида.

Аввалроқ Трамп ўнлаб давлатларни Хитой билан ҳамкорликни чеклашга кўндириш эвазига АҚШ томонидан божлар бўйича имтиёзлар таклиф қилмоқчи экани ҳақида хабарлар тарқалган эди.

• АҚШ
• Уруш
• Хитой
• savdo