Хитой мамлакатга келганлар, шунингдек, COVID-19 билан касалланган беморлар билан яқин алоқада бўлганлар учун карантинда бўлиш вақтини қисқартирди, деб хабар бермоқда The Global Times.

Расмийларга кўра, мамлакатга келган одамлар энди 7 кун карантинда бўлиб, кейин уч кун давомида ўз соғлиғини уйда кузатиши керак. Илгари, бу ҳолатда, махсус меҳмонхонада 21 кунлик муддатга карантин белгиланганди.

Таъкидланишича, Хитой Миллий соғлиқни сақлаш комиссияси, айниқса, оғир касалликка чалиниш хавфи юқори бўлган 60 ёшдан ошган одамлар орасида эмлаш кўрсаткичларини оширишни устувор вазифа қилиб қўйди.

Маълумот учун, пандемия даврида Хитойда жами 225,5 мингдан ортиқ COVID-19 ҳолати ва инфексияланганлар орасида 5,2 мингдан ортиқ ўлим ҳолати тасдиқланган.

• Хитой
• карантин
• коронавирус
• пандемия