Аввалроқ, Жаҳон соғлиқни сақлаш ташкилоти (ЖССТ) Хитойдан нафас олиш йўллари касалликларининг кўпайиши ва болаларда пневмония авж олиши бўйича хавотир билдириб, мамлакат расмийларидан вазият бўйича маълумот сўраган. Хитойнинг Касалликларни назорат қилиш ва олдини олиш маркази ва Пекин болалар касалхонаси ЖССТ сўровномасига муносабат билдирган.

Қайд этилишича, Хитойда болалар орасида тарқалган вирусли эпидемияга грипп, аденовирус, микоплазма пневмонияси ва респиратор-синситиал вирус каби маълум патогенлар сабаб бўлган. Янги вирус сабабли эпидемия келиб чиққани ҳақидаги хабарлар асосга эга эмас.

Пекин бу ҳолатларнинг кўпайиши маълум патогенлар билан боғлиқлигини маълум қилган.

Аввалроқ, The Telegraph нашри бутун дунё бўйлаб одамлар ва ҳайвонлар касалликларининг тарқалишини кузатувчи ProMed ташкилоти маълумотларига таяниб, Хитой шимолида болаларда номаълум пневмония ўчоқлари пайдо бўлгани ҳақида ёзганди. Нашрнинг хабар беришича, Хитой шифохоналари "касал болалар билан тўлиб-тошган" ва пневмония билан касалланиш бутун мамлакатда, шу жумладан Пекинда ҳам авж олган.

Шундан сўнг, ЖССТ Хитой шимолида, асосан, болаларга таъсир кўрсатадиган сирли пневмония эпидемияси ҳақида қўшимча маълумотларни берган.

• Вирус
• Хитой
• коронавирус