“Хитой ва Ҳиндистон чегара ҳудудларида тинчлик ва осойишталикни сақлашни давом эттиришга келишиб олдилар”, – дея хабар беради Хитой ташқи сиёсат идораси.

31 июль, чоршанба куни Ню-Деҳлида Хитой ва Ҳиндистон ўртасидаги чегара ишлари бўйича маслаҳат ва мувофиқлаштириш бўйича ишчи механизмининг 30-йиғилиши бўлиб ўтди.

“Томонлар илгари эришилган келишувларга қатъий риоя қилишга ва чегара ҳудудларида тинчлик ва осойишталикни сақлашни давом эттиришга келишиб олдилар”, – деган Хитой ташқи ишлар вазирлиги йиғилиш натижаларига кўра.

Таъкидланишича, томонлар дипломатик ва ҳарбий каналлар орқали алоқани сақлаб қолиш, музокаралар механизмини шакллантиришни кучайтириш, чегарадаги мавжуд вазиятни имкон қадар тезроқ ҳал қилиш учун музокаралар жараёнини тезлаштириш, шунингдек, Хитой ва Ҳиндистон ўртасидаги муносабатларнинг соғлом ва барқарор ривожланишига ҳисса қўшишга келишиб олган.

• Чегара
• Ҳиндистон
• Хитой