Хитойнинг Хайнан оролида мамлакатнинг биринчи универсал коинот майдончаси қурилиши якунланди. Бу ҳақда “China Daily” хабар берди.

Қайд этилшича, учириш майдончаси “Чанчжен”, “Куайчжоу” ва “Сзелун” суюқ ракета двигателлари (LPRE) билан 10 дан ортиқ турдаги ракеталар учун тезкор ишга тушириш режими билан жиҳозланган. Бу самарадорликни сезиларли даражада оширади ва ишга туширишга тайёргарлик вақтини қисқартиради.

Маълумки, янги Универсал коинот порти бор-йўғи бир ярим йил ичида қуриб битказилди ва ишлар 2022 йил октябрь ойида бошланган.

Жорий йилда янги учириш майдонидан суюқ ёқилғида ишлайдиган ракетанинг биринчи учирилиши кутилмоқда.

Ишлагач, фақат тижорий миссиялар учун мўлжалланган учиш майдончаси Хитойнинг бешинчи ерусти майдончаси бўлади.

Лойиҳа Хитойнинг Аэрокосмик фан ва технология корпорацияси, Хитой аэрокосмик фан ва саноат корпорацияси ва Хитой сунъий йўлдош тармоғи гуруҳи иштирокида амалга оширилган.

Объектлар қурилишини Хитойнинг аэрокосмик қурилиш гуруҳи амалга оширган.

Венчандаги Хайнан оролида тижорат майдонидан ташқари давлат космодроми ҳам мавжуд (2009 йилда қурилган ва 2016 йилда фойдаланишга топширилган).

• Коинот
• Хитой