Хитойнинг Пекин шаҳрида бўлиб ўтадиган учинчи “Бир камар, бир йўл” форумига 130 та давлат ва 30 та халқаро ташкилот вакиллари ташриф буюради.
“Бир камар, бир йўл” лойиҳасининг учинчи форуми ташаббуснинг 10 йиллигига бағишланди. Дастлаб, тадбир 15-17 октябьр кунлари ўтказилиши режалаштирилган эди, аммо кейинчалик саналар 17-18 октябрга кўчирилди. Учрашувларнинг асосий мавзуси “Бир камар, бир йўлнинг юқори сифатли биргаликда қурилиши ва умумий тараққиёт ҳамда фаровонликка эришиш учун биргаликдаги саъй-ҳаракатлар” бўлади.
Хитойнинг Global Times нашри хабарига кўра, форумга 130 дан ортиқ давлатдан делегациялар ва 30 та халқаро ташкилот вакиллари таклиф этилган. Тадбир меҳмони Россия етакчиси Владимир Путин бўлиб, ташриф доирасида Хитой Халқ Республикаси раҳбари билан учрашиши режалаштирилган.
Бироқ Франция ва Германия етакчилари Эммануэл Макрон ва Олаф Шолц таклифнома олмаган. Италия етакчиси Гиоргиа Мелони ҳам таклиф қилинмаган.
2017 йилда 130 та давлат вакилларини бирлаштирган “Бир камар ва бир йўл” биринчи форуми бўлиб ўтган. 2019 йилда коронавирусдан олдинги иккинчи форумга Европа, Осиё ва Африканинг 150 та давлатидан делегациялар ташриф буюрди. Учинчи йиғилиш 2021 йилга мўлжалланган эди, бироқ коронавирус пандемияси туфайли қолдирилди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!