Хитой археологлари Нанкин шаҳрида (шарқий Цзянсу провинцияси) жанубий сулолалардан бири (420-589) Лян сулоласи даврида қурилган қадимий пойтахт дарвозаларига олиб борувчи йўлни топдилар. Бу ҳақда “Kazinform” хабар беради.

“Xinhua” агентлигининг жума куни хабар беришича, қазилган йўлнинг узунлиги 210 метр ва кенглиги тахминан 26 метрни ташкил қилади. Икки томондан хандаклар топилган. Археологларнинг фикрича, у фақат ҳукмдорлар учун мўлжалланган.

Бундан ташқари, кенглиги тахминан 33 м бўлган қадимий ғишт дарвоза харобалари топилган. Тахминларга кўра, улар бир вақтлар Лян қироллиги пойтахтига жанубий кириш жойи бўлган жойда жойлашган.

Шунингдек, агентликнинг хабар беришича, 2017 йилдан бери археологлар Нанкин шаҳрида 12 минг квадрат метрга яқин майдонда қазиш ишлари олиб борган. Тадқиқотлар давомида ҳудуд тарихини ўрганиш учун муҳим бўлган кўплаб объектлар топилган.

• Хитой
• darvoza