CNNнинг хабарига кўра, мамлакатда демографик инқироз кучаймоқда. Бу йил Хитойда янги никоҳлар сони рекорд даражада пасайиши тахмин қилинмоқда.

Бу кўрсаткичларнинг пасайиши мамлакат учун муаммо ҳисобланади, яъни ишчи кучи камаяди ва аҳоли қариши таъсиридан хавотирлидир.

2024 йилнинг дастлабки уч чорагида Хитойда 4,74 миллион жуфтлик никоҳдан ўтган. Бу ўтган йилнинг шу даврига нисбатан 16,6 фоизга кам бўлиб, ўшанда 5,69 миллион никоҳ қайд этилгани ҳақида Фуқаролик ишлари вазирлиги маълумот берган.

Хитой аҳолиси кетма-кет икки йил давомида камаймоқда, ўтган йили эса туғилиш даражаси 1949 йилда Халқ Республикаси ташкил этилганидан бери энг паст кўрсаткични қайд этди. “Бундай пасайиш тенденцияси, айниқса, ёш аёллар орасида никоҳга бўлган муносабатнинг ўзгариши натижаси ҳамдир. Чунки улар тобора кўпроқ маълумотли ва молиявий жиҳатдан мустақил бўлиб бормоқда”, дейилади хабарда.

Иш жойида камситишларга ва аёллардан болалар парвариши ҳамда уй-рўзғор юмушларини бажаришни кутиш каби патриархал урф-одатларга дуч келган аёллар никоҳга бўлган ишончини йўқота бошламоқда. Инқирозни бартараф этиш учун Хитой расмийлари ёшларни оила қуришга ва фарзанд кўришга ундаш учун молиявий рағбатлантиришдан тортиб, тарғибот кампанияларигача бўлган кўплаб чора-тадбирларни амалга оширди.

• Демография
• Никоҳ
• Хитой