“National Geographic” журнали 2026 йил учун энг яхши туризм йўналишларини эълон қилди ва у ерда қадимий Хива шаҳри ҳам ўз ўрнини эгаллади.

Журнал тавсиясида таъкидланишича, Самарқанд ва Бухоро машҳурлик чўққисида бўлса, Хива ўтмишга янада ҳақиқий ва хотиржам саёҳатни таклиф этади.  Экспертларнинг фикрига кўра, Хива ҳозирги кунда Шарқ тарихини ҳар бир қадимий деворда ва шаҳарнинг ҳар бир кўчабошида ҳис этиш мумкин бўлган камсонли жойлардан бири ҳисобланади.

“National Geographic” сайёҳларга Хива шаҳрининг тарихий маркази — Ичан-Қалаъни тавсия қилади. Бу жой ЮНЕСКОнинг Бутунжаҳон мероси рўйхатига киритилган. Шаҳарга ташриф буюрган меҳмонлар тикланган саройлар, масжидлар ва минораларнинг гўзаллигидан баҳраманд бўлишлари, шунингдек, ноёб фестивалларда — лазги рақси, баҳодирлар (қаҳрамонлар) беллашувлари ва қовун байрамида иштирок этишлари мумкин.

Шунингдек, журналда ёзилишича, ёзда Тошкентдан Хивага тезюрар темирйўл қатнови йўлга қўйилади, бу эса йўл вақтини икки баравар қисқартиради.

• Ичан қалъа
• Jurnal
• Лазги
• Туризм
• Хива