Хоразм вилоятининг Гурлан туманида акциз маркали тамаки ва алкоголь маҳсулотлари сотаётган “савдогар” аниқланди. Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар берди.

Бош прокуратура ҳузуридаги Департаментнинг Гурлан туман бўлими томонидан ўтказилган терговга қадар текширувда, “Ў.С.” хусусий корхонасининг Гурлан туманидаги савдо дўконида акциз маркасиз 588 қути “Esse Change”,“Bisness Royals”, “Mond”, “Milano Tech”, “Milano Paris”, “Milano London” va “Milano Red” номли тамаки маҳсулотлари, шунингдек қалбаки акциз маркали 314 дона “Qarataw”, “Sobranie”, “Roberto Cavallia”va “Bionica” номи остидаги қўлбола усулда тайёрланган алкоголь маҳсулотлари савдога қўйилганлиги аниқланиб, ашёвий далил сифатида олинган.

Шу каби, Янги бозор туманида ўтказилган терговга қадар текширувда, “Д.А.” хусусий корхонага қарашли савдо дўконида қалбаки акциз маркали 240 дона “Дипломат”, “Қаратав”, “Шерюрак” ва “Добрий вечер” номи остидаги қўлбола усулда тайёрланган алкоголь маҳсулотлари савдога қўйилганлиги аниқланиб, қўлга олинган.

Иккала ҳолатлардаги маҳсулотлар ҳам ашёвий далил сифатида олинган. Қонунбузарларга нисбатан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят ишлари қўзғатилиб, тергов ҳаракатлари ўтказилмоқда.

• Жиноят
• Spirt
• Хоразм