Ядровий кучлар ўртасида тўпланган можаро салоҳияти Осиё-Тинч океани минтақасида очиқ ҳарбий қарама-қаршиликка айланиб кетиш хавфини туғдирмоқда. Бу ҳақда Бишкекда бўлиб ўтган “Ядро қуролини тарқатмаслик режимини мустаҳкамлаш” минтақавий семинарида Россия Федерацияси ташқи ишлар вазири ўринбосари Сергей Рябков айтиб ўтди.

“Дунёдаги ҳарбий-сиёсий вазият ёмонлашишда давом этмоқда. Тўпланган ва ўз вақтида тўхтатилмаган можаро салоҳияти, шу жумладан, ядровий кучлар ўртасидаги можаро потенциали аллақачон Евро-Атлантика минтақасида ўта кескин инқирозга олиб келди ва у Осиё-Тинч океани минтақасида очиқ ҳарбий қарама-қаршиликка айланиб қолиш хавфини туғдирди", – деди вазир ўринбосари.

Рябков тенг ва ажралмас хавфсизлик тамойилига риоя қилмасдан туриб, ядровий қуролсизланиш ва ядровий қуролларни назорат қилиш йўлида олдинга силжиш мумкин эмаслигини таъкидлади. Бироқ вазирнинг сўзларига кўра, амалда мутлақо тескари тенденциялар кузатилмоқда.

• Россия
• Ядровий қуроль