ФИФА янгиланган терма жамолар рейтингини эълон қилди.

Бразилия ЖЧ-2022 якунида ФИФА рейтингидаги биринчи ўрнини сақлаб қолди.

Бразилияликлар чорак финал босқичида Хорватия терма жамоасига пеналтилар сериясида имкониятни бой бериб, турнирдаги ўйинларини якунлади.

ЖЧ-2022 ғолиби Аргентина терма жамоаси бўлди, у бир поғонага кўтарилиб, ФИФА рейтингида иккинчи ўринни эгаллаб турибди.

Белгия икки поғонага тушиб кетди. Англия бешинчи ўринда қолди, Нидерландия эса икки поғона юқорилаб, олтинчи ўринга кўтарилди.

Хорватия беш поғона юқорилаб, 12-ўриндан еттинчи ўринга кўтарилди. Италия икки поғона пастлаб, саккизинчи ўринга тушиб кетди. Португалия тўққизинчи ўринда қолди, Испания эса уч поғона пастлади.

Марокаш ва Австралия рейтингда 11 поғонага кўтарилиб, ўзларининг энг яхши кўрсаткичлари ҳисобланади.

Рейтинг қуйидагича:

1. Бразилия;

2. Аргентина;

3. Франция;

4. Белгия;

5. Англия;

6. Нидерландия;

7. Хорватия;

8. Италия;

9. Португалия;

10. Испания;

11. Марокаш;

12. Швейцария;

13. АҚШ;

14. Германия;

15. Мексика;

16. Уругвай;

17. Колумбия;

18. Дания;

19. Сенегал;

20. Япония.

• Футбол
• терма жамоа
• рейтинг