Самарқанд шаҳрида яшовчи оиланинг беш нафар аъзоси ис гази билан заҳарланган. Ҳодиса 2023 йил 18 декабрь куни содир бўлган.

 Шаҳарнинг Сарбон маҳалласида яшаган, 1986 йилда туғилган F.A., унинг хотини, 1993 йилда туғилган R.A., уларнинг қизлари, 2014 йилда туғилган Sh.A., 2019 йилда туғилган Sh.A. ва ўғли 2023 йилда туғилган A.A. ис газидан заҳарланган.  

 Ҳодисада ҳеч ким вафот этмаган ва жабрланувчилар зудлик билан Республика шошилинч тез ёрдам илмий маркази Самарқанд вилояти филиалига ётқизилган.

Қайд этиш керак, аввалроқ Қорақалпоғистон Республикасида бир оиланинг 5 нафар аъзоси, Наманган вилоятида эса 4 киши ис газидан вафот этгани хабар қилинганди. Шунингдек, Фарғона вилоятида ҳам бир оиланинг 4 аъзоси газдан заҳарланиб ҳалок бўлган.

• Ис гази