2023 йил октябрь ойида Япония аҳолиси 124,35 миллион кишини ташкил этди. Бу ўтган йилга нисбатан 595 минг кишига кам. Буни мамлакат маъмурий ишлар ва коммуникациялар вазирлиги маълумотлари тасдиқлайди, деб хабар беради "Аnadolu".

Вазирлик маълумотларига кўра, бу кўрсаткич кетма-кет ўн учинчи йил пасайган.

2022 йилнинг октябридан 2023 йилнинг октябригача Япония фуқаролигига эга бўлган аҳоли сони 837 минг кишига камайган. Бу 1950 йилдан бери энг катта пасайишдир.

Японияда 65 ёшдан ошган кексалар сони 36,4 миллион кишига етган, бу эса умумий аҳолининг 29,1 фоизини ташкил этади.

75 ёшдан ошган японияликлар сони 20,08 миллионга ошган. 14 ёшгача бўлганлар сони эса тахминан 14,1 миллионга камайган.

• Вазирлик
• Япония