“Bloomberg”: Япония Бош вазири Кисида Ҳиндистонни Россияга қарши қаттиқ чоралар кўришга ишонтиришга қарор қилди
Япония бош вазири Фумио Кисида Ҳиндистонни Россиядан юз ўгириш ва Москвага нисбатан қаттиқ чоралар кўришга ишонтиришга қарор қилди. Бу ҳақда “Bloomberg” хабар бермоқда.
Қайд этилишича, Япония етакчиси Ҳиндистон бош вазири Нарендра Моди билан учрашув чоғида кенгроқ ва кучли коалиция қуришда ёрдам сўраб Ҳиндистонга мурожаат қилиши кутилмоқда. Кисида “Ривожланаётган давлат сифатида Ҳиндистоннинг позициясини яхшироқ тушуниш” ниятида. Нью-Деҳли Токионинг Россияга нисбатан умумий тил топиш истаги ҳақида изоҳ беришдан бош тортган.
Ҳиндистон Ҳимолай тоғларидаги баҳсли чегарада Хитой билан ҳарбий қарама-қаршиликда бўлса, Япония Шарқий Хитой денгизидаги оролларга эгалик қилиш борасида Хитой билан тўқнаш келмоқда. Токио ва Нью-Деҳли Пекиннинг минтақадаги қатъиятлилигидан хавотирда бўлиб, мудофаа ва стратегик муносабатларини чуқурлаштирмоқда.
Аввалроқ Моди G20 глобал келишув, урушларнинг олдини олиш ва умумий масалалар бўйича халқаро ҳамкорликни ривожлантиришнинг асосий мақсадларига эришмаётганини айтган эди. Сиёсатчи G20 глобал кескинликни бартараф этишда муваффақиятсизликка учраганини тан олган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!