Япония ва АҚШ ҳамкорликда гипертовушли ракеталарни тутиб олувчи технологияларни ишлаб чиқаради.

Қайд этилишича, Япония ва АҚШ ракеталарни қарши тизимлар етиб бўлмайдиган баландликларда йўқ қилишга имкон берадиган гипертовушга эга каллакли баллистик ракеталарни тутиб олиш технологияларини биргаликда яратиш ва ундан фойдаланишни ўрганиш вариантини кўриб чиқмоқда.

Хусусан, Япония Мудофаа вазирлиги 2023 йилда узоқ масофали ракеталар учун мўлжалланган ва душман ракетасининг траекторияси ўзгарганида айланиш қобилиятига эга ракета двигателини лойиҳалашни режалаштирмоқда. Лойиҳа доирасида, Япония томони зарур технологияларни аниқлаш учун АҚШ билан ҳамкорликда тадқиқот ўтказишни режалаштирмоқда.

Агар ишланма амалга оширилса, гипертовушли силжиш каллаги билан баллистик ракеталарни тутиб олиш учун мўлжалланган янги ракеталар Американинг “Аегис” кўп функцияли жанговар маълумот ва бошқарув тизими билан жиҳозланган янги эсминецларга (сув ости кемаларига қарши курашиш учун мўлжалланган кўп мақсадли жанговар ва юқори тезликда ҳаракатланувчи кема) жойлаштирилиши мумкин. Биринчи бундай эсминец 2027 йилнинг баҳорида, иккинчиси эса 2028 йилнинг баҳорида фойдаланишга топширилиши мумкин.

• АҚШ
• Gieprtovushli raketa
• Ҳарбий
• Япония