Япониянинг Фукуи соҳилида дельфинларнинг одамларга ҳужуми кучайгани айтиляпти.

Шаҳардаги пляжда дельфинларнинг одамларга ҳужум қилиш ҳолатлари тез-тез учраётгани айтилган.

Жума куни икки киши делфинлар тишлаганидан шикоят қилган. Шаҳар маъмурияти сузгичлар сонини кўпайтирди, дельфинларни қўрқитиш учун ултратовушдан фойдаланишга ҳаракат қилмоқда ва пляж сайёҳларини улардан узоқроқ туришни сўрамоқда. Жума куни ҳужумлар сабабли пляжни вақтинча ёпишга мажбур бўлишган. Шу билан бирга, маъмуриятнинг таъкидлашича, ташриф буюрувчилар кўпинча делфинларга тегишга ёки уларга минишга ҳаракат қилишади.Улар меҳмонларга соҳилга яқинлашмасликни, балки қирғоқдан кузатишни қатъий сўрашяпти.

Аввалроқ, дельфин 6 метр чуқурликда ғаввосни таъқиб қилгани қайд этилган эди. У шўнғиб жиҳозларини тишламоқчи бўлган ва ўзини агрессив тутган. Дельфин нафас олиш учун сувга чиққанда ғаввос қочишга муваффақ бўлган.

Дельфинлар пляжда жорий йилнинг май ойидан бери пайдо бўла бошлаган, июл ойида эса улар одамларга ҳужум қилгани ҳақида сигналлар ола бошланган.

• Delfin
• Япония
• hujum