Европа Иттифоқи мамлакатларининг Брюсселдаги доимий вакиллари Россияга қарши 15-санкция пакетини тасдиқлади. Бу ҳақда “Анадолу” хабар бермоқда.

“Европа Иттифоқи мамлакатлари элчилари Россиянинг Украинага қарши тажовузига жавобан 15-санкциялар пакетини келишиб олдилар”, – дейилади Европа Иттифоқи раисининг Венгриядаги ижтимоий тармоқлардаги расмий аккаунтида.

Янги санкциялар орқали Россияни қўллаб-қувватловчи учинчи давлатларга тегишли судларнинг фаолияти ҳам чекланади.

Европа Иттифоқи комиссияси раиси Урсула фон дер Ляен бу борада шундай деди: “Европа иттифоқи ва унинг G7 шериклари Кремлга босим ўтказишда давом этишга қарор қилган. Мен Россияга қарши қаратилган 15-санкция пакети бўйича келишувни олқишлайман”.

Европа Иттифоқининг ташқи ишлар ва хавфсизлик сиёсати бўйича олий вакили Кая Каллас шундай дейди: “Биз Россияга кучли босим ўтказишимиз керак. 15-санкциялар қабул қилинганлигини кўриш жуда ёқимли”.

Эслатиб ўтамиз, ҳозирга қадар Европа иттифоқи Украинадаги уруш туфайли Россияга қарши 14 та санкция пакетини жорий этган.

Улар савдо, молия, энергетика, шу жумладан нефть ва кўмир, саноат, технология, транспорт, олтин ва олмосга чекловларни ўз ичига олади.

Бундан ташқари, Европа Иттифоқининг санкциялар рўйхатига 2300 дан ортиқ жисмоний шахслар ва ташкилотлар ҳам киритилган.

• Россия
• Санкция
• Yevropa Ittifoqi