Европарламент депутатлари Қозоғистон воқеалари устидан халқаро текширув ўтказилиши чақириғи билан резолюция қабул қилди.

“Европа иттифоқи ва халқаро ҳамжамият икки ҳафталик намойишлар вақтида қозоқ халқига қарши содир этилган жиноятлар, жумладан, Алмати ва Қозоғистоннинг бошқа шаҳарларида ғойиб бўлишлар, қийноқлар ва ўзбошимчалик билан ушлаб туришлар, шунингдек, вояга етмаганлар дохил, тинч намойишчиларни жароҳатлаган ёки ҳалок қилган снайперлар фаолиятига оид  халқаро текширувни зудлик билан бошлаши керак” дейилади резолюцияда.

Ҳужжатда Европа Иттифоқи мамлакатларига “Алматида 2022 йилнинг январида намойишчилар ва ҳуқуқни ҳимоя қилиш органлари ходимлари ўлими, шунингдек,бошқа ташкилотларда инсон ҳуқуқлари бузилиши  билан боғлиқ факт ва ҳолатлари рисоладагидек текширилишини таъминлаш учун Москванинг КҲШТ механизмига таъсир кўрсатиш” таклиф қилинган.

Европарламент республика ҳукуматини инсон ҳуқуқлари фаолларига сиёсий тазйиқни зудлик билан тўхтатиш, сиёсий сабаблар қўйилган айбловларни олиб ташлаш, асоссиз ушлаб турилган намойишчи ва фаолларни тезликда озод қилиш, тинч намойиш ўтказиш ҳуқуқига кафолот бериш, қурбонлар ва ҳибсга олишлар билан боғлиқ ахборотни эълон қилиш каби қатор халқаро меъёр доирасидаги адолатга чақирган
Депутатлар, президент Қасим-Жўмарт Тўқаев барча намойишчиларни “террорчилар” сифатида қайд этиши ва “уларни ўлдириш” билан таҳдид қилишини қоралайдилар.

• Қозоғистон
• Европарламент