Юнусобод туманидаги “Универсам” бозорининг қарама-қарши тарафидаги дўконларда ёнғин содир бўлганлиги ҳақида хабар қилган эдик. Мазкур ҳолат юзасидан Тошкент шаҳар ФВБ маълумот берди.

Қайд этилишича, бугун, 10 август куни соат 14:02 да Тошкент шаҳар Юнусобод тумани, Янгишаҳар кўчасида жойлашган дўконларда ёнғин содир бўлаётгани тўғрисида Тошкент шаҳар ФВБга хабар тушган.

Шунга кўра, ёнғин-қутқарув техникалари айтилган манзилга соат 14:08 да етиб бориб, соат 14:29 да ёнғинни ўчиришга муваффақ бўлишган.

Ҳозирда ёнғин сабаби ва моддий зарар миқдори аниқланмоқда. Ҳодиса оқибатида ҳалок бўлган ва жабрланганлар йўқлиги маълум қилинди.

• ФВБ
• Юнусобод тумани