36°
Кечаси 23°
Бош прокуратура ҳузуридаги Департаментнинг Зангиота тумани бўлими ҳамда алкоголь ва тамаки бозорини тартибга солиш инспекцияси ходимлари томонидан ўтказилган тезкор тадбирда “Б.” МЧЖ раҳбари З.М. ва технологи Р.А. ўзаро тил бириктириб, “Гулбог” МФЙ ҳудудидаги бинода тегишли рухсатнома ва лицензия олмасдан қонунга хилоф равишда этил спирти ишлаб чиқариш ва ўтказиш фаолияти билан шуғулланиб келаётганликлари аниқланиб, тадбир жараёнида умумий баҳоси 344,1 млн сўмлик жами 10 минг литр этил спирти ашёвий далил сифатида олинган.
Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти матбуот хизмати хабар берди.
“Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда”, – дейилади хабарда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
