Володимир Зеленский мурожаатида Россиянинг Украинада маданий ва таълим муассасаларига катта вайронагарчилик ва зарар етказгани учун БМТнинг Таълим, фан ва маданият масалалари бўйича ташкилоти (YUNESKO) таркибидан чиқарилишини талаб қилди.

“Ҳурматли инсониятнинг таълим, фан ва маданият ютуқлари ҳимоячилари! Илтимос, айтинг-чи, нега Россия вакиллари сизнинг орангизда ҳали ҳам бор? Улар ЮНЕСКОда нима қилишяпти? Қандай қилиб YUNESKOда террорчи давлат вакиллари бўлиши мумкин”, - деди у.

Зеленскийнинг таъкидлашича, террорчи давлат маданий ва табиий меросни муҳофаза қилиш бўйича асосий органлардан бири – YUNESKOнинг Бутунжаҳон мероси қўмитасига, албатта, раислик қилиш ҳуқуқига эга эмас.

“Террорчи давлат YUNESKOнинг барча органлари ва ташкилотнинг ўзидан четлаштирилиши керак. Бу дунёда ҳамма учун тарихий ўрнак бўлсинки, маданият душманига, тарих душманига, таълим душманига, ҳеч ким тоқат қилолмайди”, - дея қўшимча қилган президент.

Маълумот учун, Россия ўзининг террористик зарбалари билан Украинадаги 2600 дан ортиқ таълим муассасаларини аллақачон йўқ қилган ёки шикастлаган.

• АҚШ
• Россия
• Украина
• ЮНЕСКО