Зилзиладан кейин Олмаотада мактаб ва коллежларда биринчи сменали машғулотлар бекор қилинди, дея хабар беради NUR.KZ шаҳар таълим бошқармасига таяниб. Шаҳарнинг барча мактаблари ва коллежларида тун бўйи аҳолини қабул қилиш пунктлари ишлаганлиги сабабли, 2024 йил 23 январда мактаб ва коллежларда биринчи смена машғулотлари бекор қилинган.
Болалар боғчалари ота - оналарнинг илтимосига биноан мунтазам равишда ишлайди. Кеча тунда Олмаота аҳолиси кучли зилзилани бошдан кечирди. Баъзи ҳудудларда яшовчилар зилзила узоқ вақт, камида 5 дақиқа давом этганини хабар қилишган. Сезувчанлик тўғрисидаги маълумотлар Олмаотада 5 балли зилзилани қайд этган. Шу билан бирга, фавқулодда вазиятлар вазирлиги хабар беришича, зилзила Остона, Олмаота, ВКО, Жамбил, Жетисуй вилоятларида ҳам сезилган.
Олмаотада зилзила оқибатида 44 киши жароҳатлангани айтилмоқда. Одамлар уйдан қочиб чиқиш вақтида жароҳатланган. Баъзилар ҳатто 2-3-қават ойнасидан ҳам сакраган. Бир киши оғир аҳволда шифохонага ётқизилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!