Саудиянинг «Ал-Ҳилол» клуби аргентиналик ҳужумчи Лионел Месси билан шартнома имзоламоқчи, деб хабар беради Mundo Deportivo.
Клуб ҳужумчига йилига 280 миллион евро таклиф қилиши мумкин. Мессининг ПСЖ билан шартномаси жорий мавсум охиригача амал қилади, французлар шартномани узайтириш борасида музокаралар олиб боришмоқда.
Агар ҳужумчи «Ал-Ҳилол»га ўтишга рози бўлса, шартноманинг катта қисми давлат томонидан молиялаштирилади.
Саудия Арабистони Мессининг трансфери ва Криштиану Роналдунинг «Ал Насср»га ўтиши лигага бўлган қизиқишни оширишига умид қилмоқда.
Бу эса мамлакатнинг 2030 йилги жаҳон чемпионатига мезбонлик қилиш имкониятини оширади. «Ал-Ҳилол» ва «Ан-Наср» Саудия Арабистонининг асосий дербиси ҳисобланади.
Эслатиб ўтамиз, Месси Саудия Арабистонининг сайёҳлик элчиси ҳисобланади. У мамлакатга 2022 йилнинг май ойида ташриф буюрган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!