Prezident sifatida qayta saylangan Shavkat Mirziyoyevning qasamyod qabul qilish marosimi joriy haftada, 6-noyabr kuni bo‘lib o‘tishi kutilmoqda. Bu haqda Xabardor.uz’ning hukumatdagi manbasi ma’lum qildi.

Shuningdek, Markaziy saylov komissiyasining kecha, 3-noyabr kuni bo‘lib o‘tgan navbatdagi yig‘ilishida ham komissiya raisi Zayniddin Nizomxo‘jayev inauguratsiya marosimi shu kunlarda bo‘lib o‘tishini qayd etib o‘tgan.

Unga ko‘ra, ayni paytda qasamyod marosimi uchun barcha tayyorgarliklar qilinyapti.

Ma’lumot uchun, Saylov kodeksining 65-moddasiga ko‘ra, O‘zbekiston Prezidenti MSK tomonidan Prezident saylovi natijalari rasmiy ravishda e’lon qilingan kundan e’tiboran kechi bilan ikki oy ichida O‘zbekiston Respublikasi Oliy Majlisi palatalarining qo‘shma majlisida qasamyod qilgan paytdan e’tiboran o‘z lavozimiga kirishadi.