Oʻzbekiston Respublikasining Mustaqilligiga 32 yil toʻlishi munosabati bilan prezident Shavkat Mirziyoyev davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash toʻgʻrisida qaror qabul qildi.
Mukofotlanganlar orasida Oʻzbekiston Milliy tiklanish partiyasi raisi Alisher Qodirovni ham koʻrish mumkin. Qodirov “Mehnat shuhrati” ordeni bilan taqdirlandi.
Alisher Qodirov 2021-yilda boʻlib oʻtgan Prezidentlik saylovlarida oʻz nomzodini ilgari surgan edi. 2023-yilgi saylovda esa Qodirov va uning partiyasi prezident Mirziyoyevni qoʻllab-quvvatlashini bildirgan.
Xalq demokratik partiyasi yetakchisi Ulugʻbek Inoyatov esa “Doʻstlik” ordeni bilan taqdirlandi. Qodirovdan farqli ravishda Inoyatov 2023-yilgi prezidentlik saylovlarida ham ishtirok etgan.
Maʼlumot uchun, “Mehnat shuhrati” ordeni uchun bazaviy hisoblash miqdorining 40 barobari miqdorida, “Doʻstlik” ordeni uchun esa Bumning 30 barobari miqdorida pul mukofoti beriladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!