Skandinaviyada joylashgan Lozanna universiteti tadqiqotchilari chumolilar ham odamlar kabi yaqinlarini qutqarish uchun tibbiy muolajalarni amalga oshirishini aniqladi. Tegishli tadqiqot “Current Biology” jurnalida nashr etildi.

Florida chumolilari yaqinlarining tanasidagi yaralarni aniqlay olishi, ularni tozalashi yoki amputatsiya orqali davolashga qodir. Bu orqali hasharotlarning omon qolish darajasi 95 foizga yetadi.

“Ular bilan raqobatlasha oladigan yagona tibbiy tizim insondir”, - deydi tadqiqot mualliflari.

Ularning qo‘shimcha qilishicha, chumolilarning yaralarni tanib olish va davolash qobiliyati tug‘ma bo‘lib, kuzatishlar davomida ular o‘rgatilgani bo‘yicha hech qanday dalil topilmagan.

Shuningdek, afrikalik chumolilar bezlari tomonidan ishlab chiqarilgan antiseptik modda yordamida yaqinlarining infeksiyalarini davolashga qodir ekanliklari aniqlangandi. Biroq floridalik chumolilarda bunday bezlar mavjud emas.

• qiziqarli