Samarqandlik maxsus maktab bitiruvchisi, 19 yoshli Suxrob Murodov IELTS imtihonida eng yuqori natija ko‘rsatib, 9 ball to‘plagan eng yosh O‘zbekiston fuqarosi bo‘ldi, deb xabar berilgan edi.

Suxrob Murodov eng yuqori natijani ko‘rsata olgan va ingliz tilida xuddi amerikaliklar kabi erkin so‘zlasha oladi.

2021-yil mart oyida Suxrob IELTS’ga teng bo‘lgan C2 Proficiency imtihonini topshirdi va 9 ball oldi.

“IELTS imtihonida 9 ball olish qiyindek tuyulishi mumkin, ammo hozirda chet tillarini, jumladan, ingliz tilini o‘rganishga qaratilayotgan e’tibor men kabi yoshlarning til o‘rganishga ishtiyoqini oshirmoqda”, - deydi Suxrob Murodov.

Kembrij universitetining DELTA diplomini O‘zbekistondan birinchi bo‘lib qo‘lga kiritgan xalqaro ekspert Muhammadxon Soliyevning aytishicha, endilikda faqat chet tili o‘qituvchilari va IELTS ishtirokchilari C2 yoki IELTS 9 ball oladi.

Suxrob hali 11-sinf o‘quvchisi bo‘lganida C2 va IELTS imtihonlarida shunday yuqori natijani qo‘lga kiritib, O‘zbekistondagi eng yosh IELTS 9 sohibiga aylangan.

• IELTS
• Qabul 2023-2024
• Universitet